Поранешниот НБА кошаркар Клифорд Робинсон, ненадејно почина денеска на 53-годишна возраст. Смртта на легендарниот кошаркар кој 19 сезони играше во најсилната лига во светот НБА ги изненади сите иако тој во 2017 година беше хоспитализиран поради мозочна хеморалгија.
Робинсон во НБА почна да анстапува во 1989 година како член на Портланд и таму остана осум сезони. Тој беше еден од првите високи кошаркари кои погодуваа тројки со добар процент на реализација. Беше и дел од ол-стар тимот во 1994 и најдобар шести играч во 1993 година. Робинсон беше прв кој играл во три различни декади во НБА, а потоа му се придружи и Тим Данкан.
Освен за Портланд, играше и за Феникс, Детроит, Голден стејт и Њу Џерси. Во НБА одигра 1.380 меча, со што е 13. на вечната листа.
Робинсон е легенда и на Универзитетот Конектикат со кој освои титула во НЦАА лигата. Таму неговиот дрес со бројот 00 беше повлечен во 2007 година.
