Јапонската крајбрежна стража соопшти дека починал вториот преживеан од превртениот брод што превезувал добиток од Кина до Нов Зеланд, и дека потрагата по други 41 членови на екипажот сè уште трае.
Бродот испрати повик за помош во средата, западно од островот Амами Ошима, поради тајфунот што ја погоди оваа област.
Мажот е спасен во водите на Источно Кинеско Море, околу 120 километри северозападно од островот Амами Ошима. Потоа е префрлен во болница, но тој им подлегнал на повредите.
Товарниот брод, кој превезуваше речиси 6.000 крави, испрати повик за помош во средата, западно од островот Амами Ошима во југозападниот дел на Јапонија, откако тајфунот „Мајсак” ја погоди оваа област.
Јапонската крајбрежна стража во средата објави дека спасила еден член на екипажот, 45-годишен маж од Филипините.
Во авионот имало 43 члена на екипажот, 39 од Филипини и по двајца од Нов Зеланд и Австралија.
Еден член на екипажот кој ја преживеал несреќата тврди дека моторот се расипал пред да се преврти бродот поради тајфунот.
