Возачот на Мерцедес Луис Хамилтон сака да потпише нов договор со тимот по подобрени услови.
Хамилтон сака да заработи пет милиони долари повеќе. Претпоставувам дека тој ќе може да ги наметне своите услови, – изјави финскиот тркач ЏејЏеј Лехто во интервју за „Илталехти”.
Луис е близу до освојување на седмата титула, па кој друг да земе Мерцедес? Хамилтон е поврзан со нив. Тој е суперѕвезда која руши рекорди, додаде Лехто.
Хамилтон води убедливо во Генералниот пласман оваа сезона со 164 бода пред Валтери Ботас кој има 117 и Макс Верстапен со 110.
