Според последните податоци, во светот со новиот коронавирус до сега се заразиле вкупно 28.493.404 лица. Од нив починале 916.513 пациенти, а излекувани се 20.461.48220.214.600 луѓе.
Атина – Во изминатите 24 часа во Грција се регистрирани 287 нови случаи на Ковид-19, од кои 15 по направените тестови на влезните точки во земјата, а 43 се поврзани со веќе познати кластери, со што бројот на заразени се зголеми на 12.734 лица. Паралелно, регистрирани се и три смртни случаи, а од почетокот на епидемијата починаа вкупно 300 лица.
Никозија – Министерството за здравство на Кипар соопшти три нови случај на Ковид-19, од направени 3.108 тестови во изминатите 24 часа, со што бројот на заразени од почетокот на епидемијата се зголеми на 1.520 лица.
Приштина – Во Косово во изминатите 24 часа се регистрирани петмина починати, 50 новозаболени и 117 излекувани од Ковид-19. Вклучително последните официјални статистики, во земјата од почетокот на епидемијата има 586 смртни случаи и 14.496 заразени. Болеста ја совладале вкупно 11.150 лица, така што активни се 2.760 случаи. Вчера се извршени 561, а од почетокот на пандемијата 56.606 тестирања на лица за кои постоело сомневање дека се заразени од вирусот.
Берлин – Во Германија се регистрирани 1.484 новозаразени, соопшти денеска германскиот институт за заразни болести Роберт Кох. Уште едно лице почина, со што вкупниот број на смртни случаи достигна 9.342. Од почетокот на пандемијата, повеќе од 13,4 милиони луѓе биле тестирани во Германија, од кои 256.850 биле позитивни.
Бенгалуру – Во Индија е регистрирани нов рекорден дневен пораст на бројот на заразени со коронавирусот. Новозаразени се 96.551 луѓе, објави Министерството за здравство на земјата. Бројот на заразени со вирусот во Индија расте побрзо отколку на кое било друго место во светот, а САД се единствената земја која посилно е погодена од пандемијата.
Киев – Во последните 24 часа во Украина е забележан рекорден број на нови случаи на коронавирус за еден ден – 3.144, објави денеска Советот за национална безбедност. Од почетокот на пандемијата во март годинава, вкупно 148.756 лица се разболеле, а 3.076 починале.
Љубљана – Во последните 24 часа во Словенија 2.758 лица биле тестирани за новиот коронавирус, од кои 108 биле позитивни, што е најголем број на нови случаи во еден ден од 4 март, кога е забележан првиот случај.
Софија – Бројот на новозаразени со коронавирусот во изминатите 24 часа во Бугарија е зголемен за 163 на вкупно 17.598, според www.coronavirus.bg. Четири лица починале од коронавирус, така што вкупниот број на смртни случаи е 706.
Виена – Во последните 24 часа, во Австрија се регистрирани 580 нови случаи на заразени со коронавирус. Од почетокот на епидемијата, на крајот на февруари, 31.860 лица биле позитивни на коронавирус, а 26.257 се излекувани.
Будимпешта – Во Унгарија, во последните 24 часа се потврдени 718 нови случаи, што е најголем број на новозаразени за еден ден од почетокот на пандемијата, објавено е на веб-страницата на унгарската Влада. Од почетокот на пандемијата во Унгарија, тестирани се вкупно 517.222 лица, од кои 10.909 биле позитивни на вирусот, а 631 починале.
Загреб – Во последните 24 часа, во Хрватска се евидентирани 190 нови случаи на коронавирус и смрт кај тројца пациенти, објави денеска Националниот штаб за цивилна заштита. Од почетокот на епидемијата, во Хрватска се евидентирани 13.107 лица заразени со новиот вирус корона, од кои 211 починале, а 10.466 се опоравиле.
Прага – Бројот на лица заразени со коронавирусот во Чешка за еден ден достигна рекорд по вторпат оваа недела. Министерството за здравство објави дека дневното зголемување на позитивните на Ковид-19 денеска достигна 1.382 нови случаи. Во текот на претходните два дена, бројот на заразени беше повеќе од 1.100. Поради зголемениот број на пациенти, Чешка повторно воведе задолжително носење маски во затворен простор. Според официјалните податоци, досега биле заразени вкупно 32.413 лица, а 448 починале.
Техеран – Рекорден број на пациенти денеска е регистриран и во Иран денес. За 24 часа има 2.313 позитивни луѓе, што е најголем дневен биланс на нови пациенти од 19 август. Пријавени се 115 смртни случаи, со што вкупниот број на починати во Иран од се искачи на скоро 23 000. Вкупно, заразени се речиси 400.000 луѓе.
Сараево – Во последните 24 часа во Бих се потврдени се 290 новозаразени и шест починати од Ковид-19.
Лисабон – Во последните 24 часа, во Португалија се регистрирани 687 нови случаи на заразени со коронавирусот, со што вкупниот број достигна 62.813, објави Министерството за здравство на земјата. Според официјалните податоци, од вчера починале уште тројца пациенти. Вкупниот број на жртви е 1.855.
Подгорица – Во последните 24 часа, во Црна Гора се потврдени 163 новозаразени со коронавирусот и еден смртен случај.
