„Еднакви, заедно посилни”, пишува на новоизработениот мурал на фасадата на салата „Партизан” во Кавадарци.
– Со овој мурал се завршува серијата АКТО мурали со која се отвори годинашната програма на јубилејното, 15-то издание на АКТО фестивалот за современи уметности, во продукција на организацијата Факултет за работи што не се учат. Во периодот што следува, продолжуваме со свои проекти кои ќе бидат дополнително објавени, истакнаа од АКТО тимот.
Авторка на муралот е ликовната уметница и професорка Јана Јакимовска, а во изведбата учествуваа и уметниците Симона Манчева и Ненад Тонкин.
Изработката на муралот е во продукција на ФРУ во партнерство со Општина Кавадарци и К.С.П. ПОДИУМ-ЈАДРО од Кавадарци.
Од АКТО најавија и други активности.
