Играчот на италјанскиот фудбалски калчолигаш Интер, Иван Перишиќ е интересен за англискиот Манчестер јунајтед. Според „Телеграф” клубот од Милано е подготвен да ја разгледа опцијата за трансфер на 31-годишниот хрватски репрезентативец.
Перишиќ минатата сезона ја помина во Баерн на позајмица. Германскиот шампион му плати на Интер пет милиони евра и можеше да го откупи играчот за 20 милиони. Баварците се обидоа да ја намалат висината на трансферот, но клубовите не успеаја да се договорат.
Во текот на изминатата сезона, Перишиќ одигра 35 натпревари за Баерн Минхен, постигна осум погодоци со десет асистенции. Со тимот ги освои Бундеслигата, Купот на Германија и Лигата на шампионите.
