Пад на водостојот во однос на вчерашниот ден се бележи кај поголем дел од реките во земјава.
Денешните мерења на Управата за хидрометеоролошки работи покажуваат дека нивото на реката Вардар е пониско на сите мерни места, освен кај Демир Капија. Пониско е и нивото на Лепенец, Пчиња, Црна Река и Црн Дрим. На исто ниво како вчера е водостојот на Брегалница, Крива Река, Радика и Сатеска. Мал пад на нивото има и кај Дојранското и Преспанското Езеро, а Охридското Езеро е на исто ниво како вчера.
