Денеска во Министерството за внатрешни работи на Република Северна Македонија се одржа работна средба на министерот за внатрешни работи на Република Северна Македонија Оливер Спасовски и амбасадорот на Унгарија Н.Е. Ласло Иштван Дукс. На средбата се разговараше за продолжување на поддршката што Унгарија ја пружа на нашата земја со околу 30-тина унгарски полициски службеници, кои се распоредени на нашата јужна граница и им помагаат на нашите полициски службеници во заштита на границата од илегалата миграција.
Воедно амбасадорот Дукс му честита на министерот Спасовски за неговата улога во успешното спроведување на парламентарните избори и му посака успех во новиот мандат како министер за внатрешни работи.
