Синоќа Тотенхем многу потешко од очекувањата го совлада Локомотив во Пловдив со 2-1, па Мурињо очекува отпор и од Шкендија.
„Не знам ништо за Шкендија, но знам дека ќе биде опасно во Македонија, се работи за еден меч, мора да работиме напорно за да ги оствариме нашите цели. Пред нас е еден маратон од натпревари, играме со Саутемптон, па Лејтон, а потоа ќе одиме во Македонија“, вели Мурињо.
Тотнем за седум дена ќе треба да одигра четири натпревари, густиот распоред може да допринесе за ротации во тимот на Мурињо иако Португалецот сериозно ја сфаќа Лига Европа и кога веќе се игра само еден меч јасно е дека во Скопје ќе настапи со најсилниот тим.
