Пратеничката група на ВМРО-ДПМНЕ на седницата на која се расправа за измените на законите од образованието кои се однесуваат на одржување на настава во услови на пандемија се изјасни дека ќе биде воздржана.
Измените во собраниската процедура влегоа во собраниска постапка, а со нив се предвидува владата со подзаконски акт да одлучува за почетокот и крајот на учебната година и условите за организирнање на онлајн настава или настава со физичко присуство за време на здравствената криза поврзана со Ковид-19.
Опозициската партија смета дека ваквите измени не се доволни и нема да ги решат пороблемите во образованието поради корона вирусот. Оттаму и понатаму бараат како и на комисиската расправа компјутерите за социјално загрозените семејства за он лајн настава да ги обезбедува државата, а подзаконскиот акт на владата да се носи по предлог на министерот или бирото за образование.
Пратеничкaта Благица Ласовска од ВМРО-ДПМНЕ рече дека 6 месеци министерството не направило подготовки за он лајн настава што ќе и обезбеди квалитетно знаење на учениците.
– Ние како опозиција поднесовме само два амандмани и покажавме висока свесност за состојбата, покажевме конструктивност, но тие не беа прифатени. Во една ваква состојба не може да има визансиски игри кога секое семејство е засегнато за тоа што се случува во образованието. ВМРО- ДПМНЕ побара владата да обезеди комјутери и интернет во основните училишта, но ова не беше прифатено. Освен поради ова, ние ќе гласаме воздржано и поради тоа што не прифативте да расправаме за состојбата во образованието и зошто не сте спремни за почеток на учебната година после шест месеци, зошто сме последни во регионот во однос на почетокот на школската година – рече Благица Ласовска, пратеничка од ВМРО-ДПМНЕ.
Таа забележа дека власта наместо да дели ваучери за компјутери, летоска делеше ваучери за туризам а со тоа се влијаело на влошување на состојбата со пандемијата од ковид-19.
