Британската Влада денеска ги негираше информациите во некои медиуми дека премиерот Борис Џонсон минатата недела бил во Италија, наведувајќи дека тој не патувал во странство претходните месеци.
Италијанскиот весник „Република” објави дека Џонсон минатиот викенд, од 11 до 14 септември, бил во Перуџа за да го крсти неговиот помлад син Вилфред, повикувајќи се на соопштение на градскиот аеродром, пренесоа британските медиуми.
-Таа приказна е целосно неточна. Премиерот не патувал во Италија претходните месеци. Секој што ќе ги објави овие тврдења повторува лаги, рече портпаролот на Даунинг стрит.
Британскиот министер за транспорт, Грант Шепс, исто така, ги негираше обвинувањата, изјавувајќи дека двапати ги проверил тврдењата и утврдил дека не се точни.
