Тинејџерска пејачка од Либан оваа недела стана дел од глобалниот поп-бенд формиран од Сајмон Фулер, човекот кој стои зад „Спајс грлс“ и „Американски идол“, а чија цел е да ги трансформира младите непознати луѓе во интернет-суперsвезди.
Овој проект можеби изгледа грандиозна амбиција во време на глобална здравствена криза. Но, бендот Now United (сега обединети), со над десетина тинејџери од целиот свет, чекори напред, а неделава веќе снима нова музика во градот Дубаи.
Нур Ардакани (18) даде интервју за „Асошиејтед прес“ во текот на нејзината посета на Обединетите Арапски Емирати и рече дека ѝ е чест да го претставува Либан.
„Уметноста и музиката се многу важни во вакви времиња“, рече Либанката и додаде дека нејзината земја поминува низ многу тежок период.
