Повратникот во редовите на англискиот фудбалски премиерлиаш Тотенхем, Герет Бејл зборуваше за неговото време поминато во Реал Мадрид. Тој соопшти дека не жали за ништо и дека престојот во друга земја му помогнал да порасне како личност.
– Не жалам за моето време поминато во Реал. Само се обидувам да играм фудбал. Тоа е сè што можам да направам, и сè друго што се зборува веќе не е под моја контрола. Не ми е жал за ништо што направив, без разлика што зборуваат, знам кој сум, и моето семејство го знае тоа. Очигледно, престојот во друга земја, друга култура мораше да ми помогне да растам како личност, а не само како фудбалер. Се учиш да се справуваш со различните ситуации во кои се наоѓаш. Бев во ситуации кога имаше голем притисок врз мене, ме исвиркуваа за време на натпреварите. Научив да се справувам со такви работи, да не ги сфаќам премногу сериозно. Ова е фудбал – она што сакате да го правите. Мора да дадеш се од себе на теренот, изјави Герет Бејл за „Скај Спорт”.
Велшанецот е позајмен во Тотенхем до крајот на сезоната 2020/21.
