Ќе му се суди на монструмот, кој за дрво го врзал внукот и ја тепал внуката во Парк

Ќе му се суди на скопјанецот кој ги малтретираше внуците, кои неговата сестра му ги оставила да ги чува, па тој се изживувалсо нив, летово  во Градскиот парк. Посетител на паркот го снимил насилникот и го пријавил во полицијата.

Основното јавно обвинителство Скопје поднесе Обвинителен акт против 46–годишен скопјанец кој со умисла сторил две временски поврзани дејствија што претставуваат повеќекратно извршување на кривичното дело– Запуштање и малтретирање на дете  од член 201 став 1 во врска со член 45 од од Кривичниот законик. Обвинетиот-чичко на оштетените две деца, на 28 јуни 2020 година прифатил доверена обврска од мајката на децата, да ги надгледува додека таа била отсутна. Но, тој грубо ја запоставил својата должност за грижа и воспитување, па започнал да ги малтретира доверените деца. Истиот ден, околу 12.30 часот, тој на дрво во близина го врзал 12-годишното момче за стапалото со внатрешна гума  од мопед. Врзаното дете- лице со посебни потреби и неразвиена моторика, не можело да се ослободи, па кон него се приближила неговата 5-годишна сестра во обид да му даде шише со течност за да се напие.

Во тој момент, обвинетиот го нападнал и девојчето, најпрвин вербално, а потоа и физички- удирајќи ја по лицето и нозете.