Кривични пријави заработија 10 лица, сите од Прилеп, поради основано сомнение за сторено кривично дело „напад врз службено лице при вршење работи на безбедноста“ – соопштија од секторот за внатрешни работи во овој град. Пријавите прилепчани ги заработија по инцидентот во кој пет полициски службеници беа брутално нападнати од дивокрадци на стариот пат Прилеп-Велес.
Осомничените се приведени, најмладиот има 21 година, највозрасниот 52 години. Повредените полицајци се во добра здравствена состојба, а најмногу настрада началникот на полицискиот одделение Чашка.