Владата на Република Северна Македонија во 12:00 часот ќе одржи седница

Владата на Република Северна Македонија денеска, (29.9.2020 година) вторник со почеток во 12:00 часот во Свечената сала ќе ја одржи седмата седница. На седницата, министрите ќе потпишат Кодекс за етичко однесување на членовите на Владата и носителите на јавни функции именувани од страна на Владата, а свои обраќања ќе имаат претседателот на Владата Зоран Заев и заменик-претседателот на Владата за борба против корупција, одржлив развој и човечки ресурси, Љупчо Николовски.