Во пожар што избувна во забавен парк во Кина загинаа 13 лица, а 15 се повредени, објавија властите.
Пожарот избувнал во четвртокот, на првиот ден од осумдневниот национален празник, во салата каде што биле изложени ледени лампиони и скулптури од снег во забавен парк во предградието на градот Таијуан во провинцијата Шанкси, соопшти Министерството за вонредни ситуации.
Според новинската агенција „Ксинхуа“, 15 повредени лица се пренесени во болница и нивната состојба е стабилна.
Според АП, милиони луѓе се очекува да патуваат во Кина за време на националниот празник, што треба да даде поттик за економијата погодена од пандемијата на коронавирус.
