На првата видеоконференција со новинарите на арапските земји министерот за одбрана на Израел, Бени Ганц, предупреди на напорите на Турција и Иран за дестабилизација на регионот.
Тој вели дека тие ги поткопуваат напорите за постигнување мир.
Ганс изјави дека Турција и Иран ги поткопуваат неодамна потпишаните договори за нормализација меѓу Израел, Обединетите Арапски Емирати (ОАЕ) и Бахреин и дека продолжуваат да ги поддржуваат конфликтите во регионот.
Тој ги обвини двете земји дека се спротивставуваат на унапредувањето на мирот и дека ја поддржуваат регионалната агресија.
Иако Израел често го критикува својот најголем непријател, Иран, јавната критика кон Турција, со која има односи, е ретка, пишуваат израелските медиуми.
