По неколкуте одложувања поради пандемијата предизвикана од коронавирусот која го смени нормалното живеење во сите сфери од функционирањето на луѓето под посебни здравствено-безбедносни протоколи дојде ред да се одигра толку очекуваниот полуфинален натпреавр од фудбалската Лига на нации меѓу Македонија и Косово. Мегданот, прв меѓу овие две селекции ќе биде во Скопје на арената „Тодор Проески“ (20.45 ч.) без присуство на гледачи, но со многу мотиви кај двата државни тима, бидејќи победникот ќе дојде на само еден чекор од пласман на историска завршница од ЕП-2020, која е поместена за идната гдина. Јубилејното ЕП ќе се игра во 12 градови ширум Европа.
Свесни колку може да им донесе една победа македонските репрезентативци во чии редови недостасува само талентираниот Ељиф Елмас од редовите на италјанскиот калчолигаш Наполи, поради позитивен тест на коронавирус, сите се подготвени да прижат максимум на теренот. Во меѓувреме според тимот од Неапол немаат повеќе позитивни играчи, но Елмас не може да пристигне за вечерашниот историски дуел, и да биде дел од составот пред кого е голем предизвик, бидејќи треба да има два последователни негативни тестови. И Косово има свои кадровски проблеми со повреди и коронавирусот, но како вели македонскиот селектор Игор Ангеловски – Мрме тоа е нивни проблем, а тој и неговите соиграчи се фокусираат на своите обврски да одиграат како тие ќе се договорат. Ваква прилика македонската селекција од појавувањето на меѓународната сецна ретко добиваше. Имаше шанси со еден-два натпреаври низ квалифиакциските групи да стигне до втората позиција и да разигрува за СП или ЕП, но во решавачките мечеви како со Литванија, Исланд… потклекнуваше. Оваа генерација на фудбалери предводена од искусниот капитен и прв стрелец во државниот дрес Горан Пандев има во своите редови играчи кои со селекцијата до 21 година го скршија мразот и во 2017 година заиграа на завршницата од ЕП во Полска. И тоа искуство е добордојдено во вака исклучителни решавачки натпревари.
Со победа работата нема да биде завршена. Победникот од мечот во Скопје идниот месец – ноември, ќе игра финале на гостински терен со подобриот од другата полуфинална пресметка меѓу Грузија и Белорусија која денеска започнува во 18 часот.
Македонија е фаворит, на хартија и кај обложувалниците. Во Скопје се очекува неизвесен натпревар кој ќе понуди голема борба. Според играчите кои се нарасполагање во двата таботи, формата во која играта и домашниот терен, на Македонија и дават предност дека во натпреаврот без право на поправен ќе победи. Во прилог и оди и статистичкиот податок дека Косово нема победа на пет натпревари по ред.
На натпреварот во Скопје ќе се користи и ВАР системот, а за љубителите на фудбалот ќе биде дирекно пренесува на МТВ 1, МТВ 3 и на Спорт Клуб 3.
