Американскиот претседател Доналд Трамп денеска порача дека „деменцијата на Бајден е неприфатлива за САД”, повикувајќи се на низа „лапсуси” што неговиот противник неодамна ги искажа.
“Бајден не можеше да се сети на името на Мит Ромни (републикански сенатор). Мит мора да е возбуден поради тоа. Џо исто така рече дека се кандидира за Сенатот и целосно заборави во која држава се наоѓа”, напиша Трамп на Твитер.
„Џо никогаш не беше еден од добрите момци, па затоа е повеќе од очигледно дека оваа негова деменција станува сè полоша и полоша. Тоа е неприфатливо за САД”, додаде Трамп.
