Селекторот на фудбалската репрезентација на Шпанија, Луис Енрике побара да не се обвинува голманот Давид де Хеа за синоќешниот пораз од Украина во Лигата на нации.
Украинците победија со 1:0 со гол постигнат на петнаесетина минути пред крајот, откако Де Хеа непотребно го напушти голот и беше излезен дури и од својот шеснаесетник.
– Секогаш може да се направи повеќе, но да се обвинува Де Хеа е веќе лоша навика. Ако Давид е обвинет за вакви натпревари, тогаш ова е премногу, истакна Енрике.
Шпанија е прва во групата со седум бода, Украина и Германија имаат по шест, Швајцарија по четири кола собра два бода.
