Натпреварот од 1. коло во групната фаза од фудбалската Лига на шампионите Пари Сен-Жермен – Манчестер јунајтед ќе се одигра без публика. Средбата е закажана за во вторник (20 октомври).
Вчера францускиот претседател Емануел Макрон воведе полициски час во регионот Ил-де Франс во кој влегува и Париз. Се забранува излегување на улица од 21 до 6 часот, како и посета на стадионите.
Претходно, УЕФА дозволи присуство на одреден број гледачи на стадионите доколку согласност дадат локалните власти.
