Носителот на шампионскиот прстен од 2006 година во НБА, со Мајами, Гери Пејтон изјави дека би сакал да добие тренерска позиција во најсилната кошаркарска лига.
-Многу млади НБА играчи се борат да го достигнат својот вистински потенцијал. Би сакал да се приклучам на НБА, каде што можам да им помогнам на тренерите, менторите и да ги водам играчите. Можам да ги научам на напорна работа, фокус и решителност што им треба да бидат доверлив фактор за успех на тимот, изјави Пејтон за „Yahoo Sports”.
Педесет и двегодишниот Пејтон сега е тв експерт за кошарка и е амбасадор во НБА.
