Претседателот на аргентинскиот фудбалски клуб Бока јуниорс, Амор Амел објави дека е поведена судска постапка против шпанската Барселона, поради трансферот на дефанзивецот Сантијаго Рамос Минго. Трансферот на 18-годишниот Аргентинец се случи во февруари 2020 година.
-Ние ја тужиме Барселона во врска со случајот Рамос Минго затоа што веруваме дека имаме права. Она што се случи беше варварско и остави многу лош вкус. Постојат работи што не треба да се случуваат. Овој играч имаше потенцијал и огромен талент. Не мислам дека Барселона ќе земе играч кој нема шанси, нели? – вели Амел за „Марка”.
Барселона во моментов се соочува со финансиски проблеми и има барање до фудбалерите да се согласат на намалување на платите.
