Претседателот на Србија Александар Вучиќ ѝ се обрати на јавноста преку Инстаграм со порака дека „државата ќе ја победи мафијата, без оглед на личните, политичките и кои било други последици“.
„Додека се боревме за подобар животен стандард, додека се боревме за Косово, за подобар здравствен систем за да можеме да ги лекуваме луѓето, некои во меѓувреме помислија дека најисплатливо е да бидат мафијаши, да убиваат луѓе, да ги ограбуваат нашите граѓани, да сеат страв. Ќе ги победиме, тоа им го гарантирам без оглед на личните, политичките и секои други последици“, истакна Вучиќ.
Српскиот претседател кажа дека „Србија во 2012, 2013 и 2014 се бореше против тајкуните што ја ограбуваа земјата и сакаа да ја уништат и кои во тоа успеаја“.
„Земјата ја обновивме. Србија денес е прва по стапката на раст во Европа, ги јакне платите, растат пензиите, луѓето подобро живеат“, заклучи Вучиќ.
https://www.instagram.com/p/CGhmIEGpM6h/
