Претседателот на политичката партија Алтернатива, Африм Гаши, придружуван од потпретседателот Лулзим Алиу, денеска престојувал во официјална посета во Република Албанија, каде што бил примен од албанскиот претседател, Илир Мета.
„На овој братски состанок се разговараше за меѓусебните државни односи, за положбата на Албанците во регионот, како и за продлабочување на меѓуалбанската соработка како национална должност“, информираат од партијата.
Гаши му заблагодарил на Мета за досегашната соработка и изразил подготвеност да помогне во зајакнувањето на овој дух. И претседателот на Република Албанија, Илир Мета, му се заблагодарил на Гаши за посетата истакнувајќи дека таквата меѓуалбанска и меѓудржавна комуникација не треба да изостанува ниту во иднина.
