Белгија би можела да се врати во најстрогиот модел на карантин доколку нема намалување на случаите на коронавирус, изјави Ив ван Летем.
„Можеби ќе треба да разгледаме дури и повеќе ограничувачки мерки од сегашните, кои би биле како оние од март и април“, изјави еден од главните вирусолози за весникот „Последниот час“.
Ван Летем, кој се обраќа скоро секој ден на конференции по повод Ковид-19, рече дека само вакцина или ефикасен лек може да ја запре пандемијата, објави „Ројтерс“.
Министерот за здравство Франк Вандербрук во неделата изјави дека Брисел и јужниот дел на Валонија се наоѓаат на работ на цунами, со ситуацијата далеку полоша од кое било друго место во Европа.
Тој објасни дека цунами би значело дека надлежните институции изгубиле контрола над ситуацијата.
Белгија има 11 милиони жители, а вчера имаше 7.876 новоинфицирани со коронавирус.
