Манчестер Сити ја потврди неуверливата игра и катастрофалната форма на стартот на сезоната, дури и во ситуација кога беше јасно дека тимот на Пеп Гвардиола има голем императив за победа откако освои само седум бода во првите четири рунди во Премиер лигата.
Денес тимот на Пеп Гвардиола одигра многу лош натпревар на гостувањето против Вест Хем, на крајот беше 1:1 и според сите проценки, „чеканите“ заслужено останаа непоразени.
Тие поведоа со прекрасните полу-ножички Антонио во 18-та минута, но Сити успеа да стигне до бод со голот на младиот Фил Фоден во 51. минута. Тој го замени Агуеро на полувремето, а потоа на убав центаршут на Кансел погоди за израмнување.Суперталентираниот играч на Сити изрежира мајсторија и вистинска минијатура во шесенаесетникот на стартот на вториот дел, но тоа беше единствениот гол кој го постигнаа гостите, и покрај завршниот притисок.
Стерлинг во два наврати се најде во стопроцентна шанса и не реализираше, додека последната прилика ја имаше Марез кој го погоди дирекот во 93-та минута. По пет комплетирани рунди, Сити е дури 11-ти на табелата со само 8 освоени бода, а исто толку има и Вест Хем кој е едно место погоре.
