Бројката на жртви на пандемијата на Ковид-19 во Косово се искачи на вкупно 705 од појавата на болеста, откако минатото деноноќие починаа осуммина од заразените од коронавирусот, јави дописникот на МИА од Приштина.
Во денешното соопштение на Националниот институт за јавно здравство на Косово се наведува дека, од вчера извршените рекордни 1.621 тест со методот РТ-ПЦР (98.769 вкупно досега), позитивни на коронавирусот резултирале 334 лица.
Вклучително новозаболените, бројот на лица кај кои е откриен вирусот од почетокот на епидемијата се искачи на 20.989, а болеста досега ја совладале 15.722 лица. Во текот на вчерашниот ден како излекувани се евидентирани 81 пациент.
Согласно официјалните статистики на косовските здравствено власти, во земјата во моментот има 4.562 активни заболени.
