За највлијателната опозициска партија во Црна Гора, Демократската партија на социјалистите на претседателот на државата, Мило Ѓукановиќ, кандидатите за новата влада претставуваат очекуван епилог и своевиден експеримент, што, како што најавуваат, нема долго да трае.
ДПС смета дека списокот со министри е очекуван епилог на изборниот процес во текот на кој „списоците ги составувала Српската православна црква”, предлагала носители, формирала идеологија и била највлијателниот субјект во опозициските редови.
„Обидот на политичките профитирања на брановите од литии и црковни протести, со иронијата на судбината им се врати како бумеранг токму на оние политички субјекти, кои негуваа надеж дека на тој начин ќе го прекинат својот повеќедецински губитнички статус” се наведува во соопштението потпишано од портпаролот на ДПС Милош Николиќ.
Според ДПС, „апостолската влада”, во која нема претставници за националните малцинства, ниту Црногорци, а во која е застапена само една конфесија, српско-православната, во која, кажуваат, кршетеницата како документ е поважна од личната карта или пасошот, е своевиден експеримент што секако нема долго да трае.
