Германската канцеларка Ангела Меркел утре ќе учествува во телефонски повик со други европски лидери за да разговара за иницијатива против исламистичкиот екстремизам, пренесуваат странските агенции.
Австрија и Франција беа погодени од смртоносни напади во последните неколку недели, кои нивните лидери ги опишаа како „терористички напади”.
За повикот се поканети францускиот претседател Емануел Макрон, австрискиот канцелар Себастијан Курц, претседателката на Европската комисија Урсула фон дер Лајан и претседателот на Европскиот совет Шарл Мишел.
