Самит посветен на обновување на трансатлантските односи, а по повод претседателските избори одржани во САД, ќе организираат лидерите на ЕУ-27, соопштија претставници на ЕУ во Брисел.
Претседателот на Европскиот совет, Шарл Мишел има намера да го покани новоизбраниот претседател на САД, Џо Бајден, на самитот кој ќе се одржи преку видео линк.
– Целта е зајакнување на политичкиот дијалог, а ЕУ планира да разговара за пет клучни прашања од заеднички интерес, како што се короната, вредностите и мултилатерализмот, климата, трговијата, безбедноста и геополитичките интереси”, наведуваат во Брисел.
Засега е непознато дали тој самит ќе се одржи пред или по инаугурацијата на Џо Бајден.
