Изјава за медиуми, Стефан Васев од СДСМ
„Морбидноста во ВМРО-ДПМНЕ достигнува огромни размери. Примерите на мрачниот некрофил Христијан Мицкоски го следат и во Унијата на млади сили на ВМРО-ДПМНЕ. Додека секојдневно стотици семејства се борат со опасниот коронавирус, додека сите здравствени работници даваат се од себе во борбата против опасниот вирус, ВМРО-ДПМНЕ тера морбидна, некрофилна кампања и неодговорно работи против здравствениот систем. Вчерашното поставување на плакат кој алудира на смрт пред Министерството за здравство од страна на претседателот на УМС Аеродром Стефан Синадиновски е уште еден морбиден, срамен чин.
Овие фотографии се уште еден доказ за морбидноста на ВМРО-ДПМНЕ и дното кое го допре оваа партија, која секојдневно ја руши, ја поткопува бробата против вирусот. За неверување е дека ДПМНЕ-морбидна им се руга на семејствата кои загубиле свој член од коронавирусот, дека се радува и слави за бројот на почитани лица. Ова не само што е политички погрешно, некоректно, ова е нечовечки. Во време на светска пандемија ВМРО-ДПМНЕ и некрофилот Мицкоски ја слават смртта, навиваат за опасниот вирус.
ВМРО-ДПМНЕ нема никаков кредибилитет, никакво право да глуми загриженост за состојбата со коронавирусот. Малку им беше тоа што ги прекршуваа мерките, што го поткопуваат здравствениот систем, сега прават и настани со кои застануваат на страната на вирусот. Токму заради ваквиот однос Мицкоски и ВМРО-ДПМНЕ ја немаат довербата од граѓаните, токму заради ваквиот однос се во опозиција и уште долго ќе останат таму.“
