Интегрален текст од изјава за медиуми, Наум Стоилковски, портпарол на ВМРО-ДПМНЕ
„Зоран Заев сите нас не задолжи 2 милијарди евра, можете ли да се сетите барем на еден видлив проект кој што го направил? Заев потроши 2 милијарди евра, дали некој се сеќава барем на еден проект? СДСМ и Зоран Заев донесоа само проблеми, тешка живеачка за народот и понижување за државата. СДСМ потрошија 2 милијарди евра, пари кои ги земаа преку заеми, кои утре сите ние ќе треба да ги враќаме. Го задолжија секое едно семејство за нови 4000 евра, а памтите ли барем нешто да изградија?
Памтите ли некоја нова болница, некое ново училиште, или пак факултет? Памтите ли да изградија некој нов автопат, надвор од тие изработени од ВМРО-ДПМНЕ? Направија ли гасификација или нов клинички центар кој што го ветуваа? Памтите ли да ме внесоа во Европската унија или за 4 години да постигнаа некој значаен успех во надворешната политика? Но затоа не задолжија за 2 милијарди евра.
Може ли да се сети некој барем на една странска инвестиција?
Имаме ли бесплатно здравство или луѓе ни собираат пари за да може да се лекуваат?
Купија ли нови болнички возила или директорите на болниците бараат возила преку Фејсбук?
Ова не го направија но затоа имаме:
Пад на индустриското производство од 12.1% за само девет месеци годинава,
Намалување на бројот на работници во индустријата за 4.7%,
40.000 нови невработени лица,
40.000 активни случаи од КОВИД 19,
Над 1000 починати од КОВИД 19,
Пропадната банка во афера тешка 200 милиони евра, Половина милион граѓани кои живеат со 130 денари на ден, Криминал со Шик Јелак тежок 200 милиони евра, за земјиште за кое постои аудио материјал дека лично Зоран Заев примил мито од 300.000 евра, но и ветување за 2000 метри квадратни простор,
Милионски тендери за Силјан Мицевски во РЕК за ископ на јаловина, наместо пари за набавка на машини, Неуспех во патот кон ЕУ, заради лошото водење на надворешната политика.
Македонија се измори чекајќи Заев да оствари тоа што го вети, но затоа доби тоа што никој не го посакуваше, хаос, беспарица и тешка сиромаштија. Уште еднаш ќе прашам, сите нас Зоран Заев не задолжи 2 милијарди евра, можете ли да се сетите барем на еден видлив проект кој што го направил?
