Повеќе од половина Украинци веруваат дека Украина и Русија ќе имаат подобри односи во иднина, покажува анкетата спроведена од Киевскиот меѓународен институт за социологија, а пренесува ТАСС.
Вкупно 56,6 отсто од анкетираните веруваат дека Украина во иднина ќе ги подобри односите со Русија. Дури 30,1 отсто рекле дека тензиите ќе продолжат меѓу двете земји, додека 12,6 отсто сметаат дека е тешко да се одговори, а 0,7 отсто одбиле да одговорат.
Како одговор на прашање за рускиот јазик, 49,8 отсто од учесниците во анкетата рекле дека рускиот јазик е дел од украинското наследство што треба да се промовира. Во исто време, 29,6 отсто сметаат дека рускиот јазик претставува закана за независноста на Украина. Дури 19,6 отсто сметале дека е тешко да одговорат, а уште 1 отсто одбиле да одговорат.
Анкетата со учество на 1.502 испитаници била спроведена на 17-24 октомври. Маргината на грешка не надминува 2,6 отсто.
