Петар Богојески од Македонски концепт ги повика Европската унија и САД да донесат итно решение за спорот помеѓу Македонија и Бугарија наметнат од бугарската страна со кој ги блокираат евроинтеграциските процеси на нашата држава. Европската унија треба да донесе решение надвор од барањата на Бугарија, со што европските интереси ќе се стават пред интересите на една држава.
Дополнително, “се додека Зоран Заев, Никола Димитров и Бујар Османи од една страна, ја застапуваат југословенската доктрина за Македонија, а Красимир Каракачанов заедно со Ангел Џамбазки и Христијан Мицкоски од друга страна, ја застапуваат болшевичката доктрина за Македонија, решение на овој наметнат од трета страна спор, нема да има”, додава Богојески.
Македонија нема време за чекање за некое ново време кога и двете страни би ги тргнале своите лични интереси, пред интересите на државата и ЕУ.
Македонија во Европската унија сега и веднаш!
