Во натпревар од 5. коло Ц-сегмент втора група во Лигата на нации, македонската фудбалска репрезентација ја совлада селекцијата на Естонија со 2:1.
На средбата одиграна попладнево на „Тодор Проески” во Скопје, головите за домаќините ги постигнаа Иван Тричковски во 29. и Влатко Стојановски во 68. минута. За Естонците погоди Рауно Сапинен во 52. минута.
Селекторот Игор Ангеловски на овој натпревар ги немаше петмината стандардни во почетниот состав: Горан Пандев, Езѓан Алиоски, Аријан Адеми, Столе Димитриоски и Енис Барди.
На едно коло пред крајот на групната фаза, македонскиот национален тим е лидер во групата со 9 бода, додека Естонија остана на 2.
Вечерва се игра вториот натпревар од 5. коло на кој се среќаваат Грузија и Ерменија. Грузијците се втори со 6 бода, Ерменија има 5.
