Американскиот претседател Доналд Трамп веројатно денеска првпат, јавно призна дека неговиот демократски противкандидат Џо Бајден победи на претседателските избори одржани на 3 ноември, но ги повтори своите тврдења дека „изборите се наместени”.
– Тој победи само во очите намедиумите со лажните вести. Ништо не признавам! Ни претстои долг пат. Ова беа лажни избори!
Тој во одделен твит наведе дека сите механички „застои”, кои се случиле во текот на изборната ноќ се направени бидејќи „тие се фатени како крадат гласови”, не прецизирајќи на кого се однесува тоа.
Трамп повторно ги изнесе тврдењата дека на набљудувачите не им било дозволено да присуствуваат на пребројувањето на гласовите, како и дека гласањето во вид на табела го прикажала „радикално левичарската приватна компанија” Доминион.
Според него, таа компанија има лоша репутација и лоша опрема, која не е квалификувана ниту за Тексас, каде тврди дека тој убедливо победил.
Трамп за својот неуспех ги обвини „лажните и тивки медиуми” и други.
He only won in the eyes of the FAKE NEWS MEDIA. I concede NOTHING! We have a long way to go. This was a RIGGED ELECTION!
— Donald J. Trump (@realDonaldTrump) November 15, 2020
