АД Електрани на Северна Македонија соопшти дека нема прекин во снабдувањето со струја и парно греење откако при редовна процедура за чистење филтер за масло на турбогенератор бр.1, изутрината во 8.15 часот настанало протекување на турбинско масло и самозапалување во делот на ејекторите (машинска хала) во подружницата Енергетика-АД ЕСМ.
Од ЕЛЕМ истакнуваат дека имало интервенцијата при самозапалување на турбинско масло во „Енергетика” и дека се работи на преземање мерки и активности за понатамошна заштита на турбогенераторот и останатата опрема од несакани последици.
При редовна процедура за чистење на филтер за масло на турбогенератор бр.1, изутрината во 8.15 часот настанало протекување на турбинско масло и самозапалување во делот на ејекторите (машинска хала) во подружницата Енергетика-АД ЕСМ.
-Со брза интервенција на вработените пожарот е локализиран, пред пристигнување на противпожарните екипите од кругот на Железара и на град Скопје. Исто така настанот е пријавен и во МВР-Скопје-ПС Гази Баба кои излегоа на лице место. За време на настанот и после настанот немаше прекин на преносно-дистрибутивниот систем за електрична енергија и нема прекин во снабдувањето и дистрибуцијата со топлинска енергија, соопштуваат од ЕЛЕМ.
Преку системот на Енергетика-АД ЕСМ, со парно греење се снабдуваат 3700 корисници во скопските населби Железара, Автокоманда, Триангла, Маџари и Хиподром.
