Министерството за внатрешни работи во текот на вчерашниот ден (18.11.) продолжи со засилените акциски контроли во областа на сообраќајот.
Само на територијата на град Скопје изречени се вкупно 305 мерки, меѓу кои 36 за возење без возачка дозвола, 27 за технички неисправни и нерегистрирани возила, 16 санкционирани пешаци, 64 мерки за непрописно паркирани возила, 65 возила подигнати со „пајак“ и 14 санкции за неносење заштитна маска.
На територијата на Карпош изречени се вкупно 176 мерки, меѓу кои 24 за возење без возачка дозвола, 15 за нерегистрирани возила, 6 санкции за неносење на заштитна маска…
Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот.
