Во Кривичниот суд денеска треба да продолжи судењето за организаторите на настаните во Собранието.од 27 април 2017 година.
На претходното рочиште одржано на 16 ноември, за упадот и насилствата во Собранието сведочеа поранешни и актуелни пратеници.
Сите потврдија дека тогашниот претседател на Собранието, Трајко Вељаноски ја водел седницата согласно Деловникот и Уставот, како и дека се потпишале на барањето седницата да продолжи следниот ден.
Случајот се наоѓа во доказна постапка и го води судијата Илија Трпков, а застапник на обвинението е Вилма Русковска.
Обвинети во овој предмет се поранешниот претседател на Собранието, Трајко Вељаноски, ексминистрите за транспорт и врски и за образование, Миле Јанакиевски и Спиро Ристовски, како и поранешниот директор на УБК, Владимир Атанасовски.
Тие се товарат дека сториле кривично дело „терористичко загрозување на уставниот поредок и безбедноста”.
