Кризниот штаб на Федералното Министерство за здравство на Босна и Херцеговина денеска ги продолжи мерките за заштита од ширење на новиот коронавирус за уште 14 дена, што подразбира задолжително носење на маски во затворено и на отворено, почитување на физичка дистанца од два метра и забрана за движење од 23 до пет часот.
Од мерките се иземени лицата кои имаат проблеми со дишењето поради хронични болести или не можат да ја извадат маската без туѓа помош, потоа лицата со интелектуални потешкотии, лицата со оштетен слух, спортистите на натпревари, на тренинзи и на спортски активности, лицата на велоспипед, на електричен ромобил и на мотоцикал.
На правните субјекти им е наложено да ја овозоможат пропишаната физичка дистанца, да ја организираат работата во смени или да овозможат работа од дома.
На кантоналните жупаниски штабови им е дозволено воведување и други рестриктивни мерки во согласност со епидемиолошката ситуација.
