Во првото коло, од првата женска кошаркарска лига-запад, кошаркарките на „Бадел 1862″ од Кисела Вода, на домашен терен триумфираа над екипата на ЖКК „Работнички”.
Сениорките на ЖКК „Бадел 1862″ на дерби натпреварот, одигран во спортската сала „Независна Македонија”, со резултат 64:40 (18:9,12:14,19:7,15:10) убедливо ја победија екипата на „Работнички”.
На натпреварот, од домашната екипа поени постигнаа: Димова Цветанка 21, Димитријевиќ Марија 18, Адамовска Сања 12, Јоловиќ Драгана 5, Лазареска Сандра 4, и Блажевска Мартина 3 поени. Од гостинската екипа најпрецизни со постигнати 10 поени беа: Драгана Петковска и Кристина Тодевска.
