Најпознатото наследство на Брус Ли, кој овој петок ќе наполнeше 80 години, секако се неговите филмови.
Но, легендата за боречки вештини, исто така, разви уникатен начин на борба наречен „Џиткундо“ (Jeet kune do), кантонски израз што се преведува како начин да сопреш тупаница или повеќе поетски, техника на пресретнување на тупаница, пишува „Саут Чајна морнинг пост“.
Постојат многу различни стилови на борба во кунг фу како хунг-гар, винг-чу и таи-чи за да се именуваат неколку од најпознатите.
Но, најдобрата појдовна точка за разбирање на џит-кун е да сфатите дека Ли никогаш не сакал тоа да биде стил.
Всушност, намерата на Ли била спротивна. Тој разви џиткун-до бидејќи сметал дека идејата за крут стил на борба е премногу ограничувачка.
Многу пред комбинираните боречки вештини и стиловите на боречките вештини да добијат правила и традиции што не може да се прекршат, дури и ако успехот во борбата налага поинаку.
Боречките уметници цврсто се придржуваа на техниките на нивниот избран стил и тој систем стана поважен од човекот, како што тврдеше Ли. Ли сметаше дека ова е смешно и го нарече класичен хаос.
Ли започна да развива џиткун-до во Лос Анџелес во 1967. Американското телевизиско шоу „Зелен стршлен“ во кое тој го глумеше Като беше откажано, потоа Ли го отвори Институтот Fунфан Ганг во кинескиот кварт во Лос Анџелес за да заработи за живот држејќи часови за кунг фу.
Ли охрабри група пријатели и студенти од училиштето за боречки вештини на Ед Паркер да тренираат со него.
Поентата на неговиот џиткун-до е да бидете чекор понапред од противникот. „Од одбрана, тој премина на работа на нозете, домет и време на сопирање на ударите и рипостот, две техники за напади и одбрани со превентивни потези, пишува „Саут Чајна морнинг пост“.
