Јужнокорејскиот парламент во вторникот усвои предлог-закон за да им се овозможи на членовите на глобално признатиот поп бенд „БТС“ да го одложат задолжителниот воен рок до 30-годишна возраст.
Сите работоспособни јужнокорејски мажи на возраст меѓу 18 и 28 години мора да служат војска две години како дел од напорите на земјата да се заштити од Северна Кореја.
Амандманот на законот за воена служба беше дизајниран да обезбеди исклучоци за мегаsвездите на К-поп кои го подобруваат културниот статус на земјата и придонесуваат за развојот на економијата.
Јужна Кореја им дозволува на студенти кои ги исполнуваат условите да ги одложат должностите до 28 години. Парламентот во Сеул веќе има одобрено исклучоци за музичари од висок профил, како и спортисти кои освоиле олимписки медали или злато на Азиските игри, вклучувајќи го и напаѓачот на „Тотенхем“ Хотспур, Сон Хунг-мин.
