Земјите-членки на Европска Унија денеска едногласно усвоија декларацијаво која изразуваат загриженост поради пораст на антисемитизмот.
Во декларацијата се наведува дека е многу загрижувачки растот на закани против Евреите во Европа, посебно повторното појавување на конспирациски митови, јавно изразување на антисемитизам, посбено во контекст на пандемијата соКовид-19, како и пораст на антисемитски инциденти и злосторства од омраза.
Во документот се истакнува дека борбата против антисемитизмоттреба да се решава на повеќе нивоа на власта – локално, национално и европско.
– Секој облик на антисемитизам, нетолеранција или расна омраза е неспоив со вредностите и целите на ЕУ и нејзините членки, се наведува во декларацијата и се додава дека земјите-членки на ЕУ мора да jа гарантираат безбедност на еврејските заедници и институции.
– Европа цврсто стои против сите облици на антисемитизам. Евреите се и секогаш ќе бидат дел од европските држави и нашиот начин на живот. Обврските што денеска ги презедоа земјите-членки се уште една потврда на тој факт, изјави потпретседателот на Комисијата за унапредување на европскиот начин на живот Маргаритис Схинас.
