Прашањето што во моментов најмногу ја интересира јавноста е како ќе реагира организмот во контакт со коронавирусот по вакцинацијата. Одговорот го дава хрватскиот имунолог проф. Златко Тробоњача од Катедрата за физиологија, имунологија и патофизиологија на Медицинскиот факултет при Универзитетот во Риека, пренесува „Педијатар.мк“.
-Кога ќе внесете антиген во организмот, го инјектирате во одредена доза и имунолошкиот
систем реагира. На имунолошкиот систем му се потребни околу седум дена за да се развие специфичен имунитет, прецизно насочен кон одреден патоген. Антителата почнуваат да се создаваат околу шестиот ден, а до деветтиот ден расте концентрацијата на тие имунолошки механизми одговорни за елиминација на патогенот. Кај некои вакцини, после три недели, а кај некои четири, повторно давате втора доза, истиот антиген кој веќе претходно реагирал и тогаш добивате уште посилна реакција, силен имунолошки одговор: голем број на имуни (мемориски) клетки кои го очекуваат доаѓањето на вистинскиот антиген или антигенот кој е присутен на жив патоген, со цел да го елиминираат веднаш по влегувањето во организмот, објаснува имунологот.
Кога станува збор за вакцината против коронавирусот SARS-CoV-2, која се дава во две дози,
може да се очекува одреден степен на имунитет две недели по првата доза. Вакцината во таа фаза
можеби не би спречила појава на болеста, но сигурно ќе спречи појава на потешки форми
на болеста. Една недела по втората доза се постигнува многу силен имунитет, што целосно
ќе спречи инфекција со COVID-19.
„Кога некое лице, десет дена по примање на првата доза на вакцина, би ги занемарило епидемиолошките мерки и би се изложило на контакт со вирусот може да се разболи, и тоа со полна сила на болеста. Не би смеело да се изложува пред втората доза, а дури 7-8 дена по примање на втората доза на вакцината, вакцинираното лице ќе има доволно развиена имуност, прецизира проф. Тробоњача.
Меѓутоа, постојат и исклучоци, како и секогаш. Околу 5% од луѓето нема да развијат соодветен имунитет, поради некои полоши реактивности на антигенот.
-Сите ние се разликуваме, па мал дел можеби нема да биде целосно заштитен. Но, дури и да
се разболат, сигурно е дека полесно ќе се разболат и ќе бидат болни пократко, објаснува
хрватскиот имунолог во интервју за „Вечерњи лист“.
