Дваесет и петгодишен скопјанец е приведен откако бил фатен на дело додека ограбувал маркет во трговски центар во Гостивар. Од МВР информираат дека М.А.(25) од с. Глумово, Скопско вчера околу 20:30 часот бил лишен од слобода, набрзо откако бил затекнат при извршување на извршување на кривично дело „кражба” од продажен објект што се наоѓа на ул. „ЈНА” во Гостивар.
По приведувањето во полициска станица и целосно документирање на случајот против него ќе биде поднесена соодветна пријава.
Приведениот скопјанец и претходно бил забележан од безбедносните камери како врши кражби, а на полицијата од претходно и е познат како сторител на слични дела.
