Во последниве денови, веста дека германската влада купила 200.000 дози од лекови кои се користат за успешно лекување на новиот коронавирус го привлече вниманието на светската јавност. Иако станува збор за лекови кои сè уште не се одобрени од здравствените власти на Европската унија, Германците се одлучија на овој потег бидејќи оваа терапија претходно беше одобрена од Американската агенција за храна и лекови (FDA). Конкретно, овие лекови беа применети во третманот на поранешниот американски претседател Доналд Трамп. Агенцијата, која во ноември издаде итно одобрение за употреба на овие лекови, е една од најрелевантните институции во светот кога станува збор за јавното здравство. Се разбира и во овој случај биле испочитувани сите стандарди, со што таа уште еднаш го потврдила својот кредибилитет. Имено, истражувањето спроведено во Америка покажа дека употребата на еден од двата лека го намалува ризикот од инфекција за дури 80 проценти!
Ова разбирливо било доволно добра основа за Германците да преземат дополнителни чекори во борбата против Ковид-19 со цел да ги заштитат своите граѓани, без да чекаат официјално барање за регистрација на овие лекови од страна на Европската агенција за лекови (ЕМА). Но, ова не е изолиран случај. Во текот на целата измината година, FDA даде многу активен придонес во решавањето на јавните здравствени проблеми со своите одлуки.
FDA и помалку штетни алтернативи
Во текот на минатата година, FDA донесе друга одлука што претставува пресвртница во областа на јавното здравство, бидејќи IQOS, електронски уред што го загрева наместо да го гори тутунот, го прогласи за производ со модифициран ризик.
Во текот на 2019 година, кога се појави мистериозна болест на белите дробови за која се сомневаше дека е предизвикана од употреба на непроверени течности, од несигурни производители на електронски цигари, американските власти забранија употреба на производи за испарување во одредени држави. За да се стави ситуацијата под контрола, FDA во февруари минатата година ги забрани ароматизираните вкусови на електронските цигари, а потоа ги покани сите производители на производи кои содржат тутун и никотин да поднесат барање за одобрување на нивните производи.
Во меѓувреме минатиот јули, FDA донесе одлука со која се потврдува довербата во сигурни алтернативи и производи базирани на наука. По скоро четири години и анализа на повеќе од два милиони страници научни студии, оваа американска агенција одлучи да го класифицира IQOS, системот што го загрева наместо да го гори тутунот, произведен од тутунскиот гигант Филип Морис, во категоријата производи со модифициран ризик кои при употребата значително ја намалуваат изложеноста на корисниците на штетни материи, споредено со цигарите. Во образложението на својата одлука, FDA наведува дека употребата на IQOS е во согласност со унапредување на јавното здравје, додека Мич Зелер, директор на FDA Центарот за тутунски производи, укажува дека „уредот може да им помогне на возрасните пушачи да се откажат од обичните цигари и да ја намалат нивната изложеност на штетни материи, но само доколку целосно се префрлат на овој производ”. Оваа одлука на FDA донесе оптимизам кај експертите кои се залагаат за концептот на „намалување на штета“, бидејќи тие сега гледаат можност за сите пушачи кои не сакаат да престанат да пушат, да бараат подобри алтернативи базирани на наука.
FDA и помош за квалитетен сон
Неодамнешното одобрување на американската Администрација за храна и лекови за промовирање на уред што помага при ‘рчење и опструктивната апнеа, кој треба да им помогне на луѓето кои страдаат од овие, не толку безопасни и скоро сигурно најиритирачки здравствени проблеми.
Иако ‘рчењето многумина не го сметаат за сериозен здравствен проблем, тоа сепак влијае на квалитетот на животот. Податоците покажуваат дека дури 95 проценти од луѓето кои ‘рчат го нарушуваат спиењето и на другите членови на семејството, а според експертите, ‘рчењето може да достигне интензитет од 90 децибели – што му доаѓа нешто како звук на електрична косилка или мотоцикл.
Рчењето исто така може да доведе до сериозно нарушување – апнеа, што предизвикува за време на спиењето на момент да престанеме да дишеме. Апнеа се карактеризира со прекин на дишењето и значително намалување на протокот на воздух низ дишните патишта за време на спиењето, кое може да трае подолго од 10 секунди. Истражувањата покажуваат дека секое 20-то лице страда од апнеа, која ако не се лекува, може да предизвика посериозни здравствени компликации, како што се глауком, срцев удар, дијабетес, рак, когнитивни нарушувања и нарушувања во однесувањето. Производот одобрен од FDA се очекува да помогне во ублажување на непријатноста предизвикана од овие нарушувања на дишењето – бидејќи податоците покажуваат дека неговата употреба помогнала да се намали гласното ‘рчење за над 20 проценти кај 87 пациенти од вкупно 115 тестирани.
