Роуз Парк од мегапопуларниот јужнокорејски бенд „Блекпинк“ има подарок за светот – долгоочекуваниот прв соло албум.
На чело со синглот On the Ground и B-side Gone, кој го испеа премиерно за време на онлајн концертот на „Блекпинк“ во јануари, првото самостално издание на 24-годишната пејачка вредеше да се чека.
Во минатогодишниот документарец на Нетфликс, „Блекпинк: Осветли го небото“, Роуз откри дека работела исклучително напорно на пишување песни и долго време подготвува свој албум.
Инаку, рекордниот деби албум на квартетот „Блекпинк“ неодамна ја зацврсти својата круна како женски бенд со највисок рејтинг на американската листа албуми „Билборд“.
